Laus til langtímaleigu tveggja herbergja íbúð á sjöttu hæð við Hátún 6 í Reykjavík. Eignin er staðsett í rólegu hverfi á frábærum stað þar sem stutt er í alla helstu þjónustu. Íbúðin er björt og vel skipulögð með suðursvölum, en gluggar vísa til suðurs og vesturs sem tryggir góða birtu. Skipulagið er opið og nýtist vel þar sem stofa og eldhús renna saman í bjart og rúmgott rými. Svefnherbergi er með góðum fataskáp og í holinu er mikið skápapláss. Parket er á gólfum. Baðherbergið er flísalagt með sturtu og þar er einnig þvottavél. Hjólageymsla er í kjallara og næg bílastæði við húsið. Íbúðin leigist með húsgögnum.